Free JIO SIM Kharsia me uplabdh
Isse pahale ke ye dhamakedar news purana ho jaye aur sab ko pata chal jaye ham sirf hamare kharsia.in ke readers ko batana chahenge ki kharsia me JIO ka free sim milna start ho gaya hai. Iske liye aap ko kisi bhi prakar ki rashi nahi deni padegi, JIO ka sim bilkul free me mil raha hain.
JIO ka free sim to waise aas pas ke aur shaharon me jaise raigarh aur shakti me bhi mil raha tha aur mil raha hai par wahan aap ko ya to lammbi-lammbi line me lagani padega ya black me 300/- se 1,000/- tak extra paisa dena padega.
kharsia me jo abhi free jio sim mil rahan hai wahan is tarah ki koi dikkat nahi hai. Aap badi aasani se Jio sim free me prapt kar sakte hain. Ek khas bat ye bhi hai ki aap ka Jio free sim 2 ghante ke bad hi activate ho jayega aur aap Jio ki sabhi sevaon ka aanad bina kisi rukawat ke free me payenge jisme free jio4gvoice calling bhi hain.
Pahale Jio ka free sim milne ke bad bhi aap ko hafton wait karana padta tha sim activate hone ke liye plus aap ko televerification ka bhi jhanjhat tha par ab vo sab nahi hai. kharsia me jo free Jio sim mil raha hai usme aap ko televerification ki jaroorat nahi hogi aur aap ka sim 2 ghante se 24 ghanton ke bich activate ho jayega. Kuch logon ka sim to 30 min ke andar hi start ho ja raha hai.
Kaise aur kahan payen free Jio sim kharsia me?
Jio ka free sim kharsia me apana bazar se thoda pahale vaibhav collection ke samane mil raha hain. Wahan kisi prakar ka Jio ka board nahi laga hai isliye dhudhane me thodi paresani ho sakti hai. Chunki kharsia me free jio sim ki bat bahut kam logon ko pata hai isliye logon ki line bhi abhi choti hai aur bhid kam hai. Isse pahale ki ye news aam ho jaye aur baki jagah ki tarah yahan bhi bhid bade apane free jio sim turant le aaye.
Free Jio sim lene ke liye kya karana padega?
Waise to lagbhag aaj ke din me sabko pata hai ki Jio ka free sim pane ka process kya hai phir bhi aap ko bata de jo Jio ka free sim kharsia me mil raha hai wo aadhar card se link wala hai aur thumb impression ke basis pe hai free Jio sim milega. Aap ke pas apana adhar card hona jaroori hai aur jis vyakti ka aadhar card hai usi ko Jio ka free sim lene jane padega kyonki usko thumb impression bhi dena hoga. Pahale ki tarah aap ko jagah jagah signature karane ki jaroorat nahi hai aur na hi koi photo lejane ki jaroorat hai. Free jio sim aap ko aadhar card se milega. Par aap ko ek bat aur bata de ki free Jio sim pane ke liye aap ke pas 4G handset (mobile device) bhi hona jaroori hai. Us 4G handset se pahale barcode nikalenge, waise to aaj ki date me bar code kaise nikalte hai bachche-bachche ko pata hai phir bhi aap ko kisi Prakar ki sahayta ki jaroorat ho to aap Neelam Studio ja sakte hai kyonki aap ko bar code ka printout bhi lena padega jo aap Neelam Studio se hi nikal sakte hai. Aap ko apane adhar card ka bhi photocopy nikalna padega. Yad rahe kuch log aap ko aadhar card ka color copy nikalne ke liye bol sakte hai par uski koi jaroorat nhi hai. Adhar card ka black and white photocopy (dono side) free Jio sim ke liye many hoga.
Free Jio sim pane ke kuch jaroori niyam
Waise to har counter jahan free jio sim mil raha hai kuch alag alag niyam aur sharte hai par jo free Jio sim kharsia me mil raha hai uske liye jo do jaroori niyam hai wo is prakar hai :
- Aap ki umr 18 ya 18 se adhik honi chahiye matlab free jio sim keval vayask logon ko mil raha hai. Iske liye aap ko alag se DOB ka proof lejane ki jaroorat nhi hai ye jankari jo aap adhar card ka printout le jayenge usi se mil jayegi.
- Dusari jaroori bat hai ki aap ka jo address adhar card me hai wo chhattisgarh ya madhyapradesh ka hi hona chahiye kisi any rajy ka adhar card accept nahi hoga. Agar apane pahale aap ka adhar card kisi any rajy se banwaya tha par ab aap ne address change kar ke chhattisgarh ka karwa liya hai to wo many hoga. Waise hi agar aap ne pahale aapka aadhar card chhattisgarh se banwaya tha par bad me address change kar ke kisi aur rajy ka kr liya hai to free Jio sim nahi milega.
- Jiska aadhar card hai Jio free sim usi ko milega. Agar aap raja hai aur kabhi sim lene ke liye ghar se nikle nhi hai to free jio sim ke liye aap ko thodi mehanat to karani padegi kyonki free Jio sim aap ke adhar card se link hoga aur kisi prakar ki signature karane ki jaroorat nhi hai aap ko apana thumb impression dena hoga proof ke liye ki aap hi adhar card ke asali malik hai.
- Ek adhar card se ek hi free jio sim milega. Ji han kharsia me jo free Jio sim mil raha hai wahan par ek adhar card se aap ko ek hi free jio sim milega. Agar aapne apane adhar card se pahale hi ek sim le chuken hain to apana bahumuly samay barbad na karen aap dusra free Jio sim nahi le payenge.
Kharsia me kab aur kitne samy milega free Jio sim?
Kripya dhyan de ye jankari ham jaise prapt hui hai waise share kar rahe hain. Is post ko sama ke sath update nhi kiya jayega. Kisi bhi prakar ki jankari jaise free jio sim milne ka sthan, samay ya niyam me yahan diye jankari se badlav hota hai to uski jimmedari hamari nahi hai. Agar aap chahe to samay samay me jo badlav hota hai use niche comment section me dal sakte hain.